Global Cybersecurity Index киберқауіпсіздік рейтингісінде жалпы 182 орын бар, Қазақстан 31-орында тұр. Елдің индексі – 93,15, деп хабарлайды inbusiness.kz порталы ranking.kz-ке сілтеме жасап.
Global Cybersecurity Index рейтингісін алғаш рет 2015 жылы халықаралық телекоммуникация одағы (International Telecommunication Union, ITU) іске қосқан. Ол елдердегі киберқауіпсіздікті дамытуды көздейді.
ITU индексі 5 негізгі бағыт бойынша 82 сұрақтан тұрады (әр бағыт 20 балдан, барлығы – 100 балл):
• құқықтық шаралар;
• техникалық шаралар;
• ұйымдастыру шаралары;
• әлеуетті дамыту бойынша шаралар;
• ынтымақтастық шаралары.
Қазақстан барлық өлшем бойынша айтарлықтай жоғары баға жинаған: құқықтық шаралар сегменті – 20 балл, техникалық – 19,54 балл, ұйымдастырушылық – 18,46 балл, әлеуетті дамыту шаралары – 15,15 балл, ынтымақтастық шаралары – 20 балл.
ТМД елдері арасында Ресей (4-орын, индекс – 98,06) Қазақстаннан жоғары тұр. Қалған мемлекеттер елімізбен салыстырғанда төмен нәтиже көрсеткен. Мысалы, Әзербайжан 40-орын, Молдова 63-орын, Өзбекстан 70-орын, Украина 78-орын, Беларусь 89-орын, Армения 90-орын, Қырғызстан 92-орын, Тәжікстан 138-орын, Түрікменстан 144-орында.
Рейтингті көшбасында АҚШ (1-орын), Ұлыбритания және Солтүстік Ирландия Біріккен Корольдігі, Сауд Арабиясы (2-орын), Эстония (3-ші орын), ал ең соңында Солтүстік Корея тұр. Рейтингке қатысқан 194 елдің үшеуіне қатысты деректерді жинау мүмкін болмаған (Микронезия, Йемен және Ватикан).
Биыл қаңтар-маусымда елімізде компьютерлік бағдарламалау және консультациялар саласында 199,4 млрд теңгеге қызметтер көрсетілген, өткен жылмен салыстырғанда 29,9%-ға артық. Нақты өсім – 24,4%.
Сектордағы қызметтердің жартысынан астамы елорданың үлесінде: 107,5 млрд теңге, өткен жылмен салыстырғанда 57,8%-ға көп. Үздік үштікке Алматы (71,2 млрд теңге, бір жылда плюс 2,6%) және Қарағанды облысы (4,5 млрд теңге, плюс 61,8%) енді. Салада ең аз қызмет Түркістан облысында көрсетілген: 132,1 млн теңгеге, бір жылда плюс 31%.
Секторда көрсетілетін қызметтердің ең көп көлемі бағдарламалық қамтамасыз етуді әзірлеу (99 млрд теңге), мемлекеттік электронды ақпарат ресурстар мен жүйелерді қалыптастыру және дамыту аясында ақпараттық-коммуникациялық инфрақұрылымды басқару қызметі (21,1 млрд теңге) және бағдарламалық қамтамасыз етуді сүйемелдеу (15,8 млрд теңге) үлесінде. Киберқауіпсіздік саласында 2,8 млрд теңгеге қызмет көрсетілді.
Дәурен Ерболат
