2020 жылдың қаңтар-мамыр айларында әкімшілік полиция органдары 391 801 көлікті тіркеуге қойған. Бұл өткен жылдың сәйкес кезеңінен 32,1%-ға төмен.
"Қазавтоөндіріс" Қазақстанның автомобиль саласындағы кәсіпорындар одағының ұсынған деректеріне сүйенсек, 391 мыңнан аса темір тұрлапрдың 358 146-сы қайталама нарықтағы көліктер. Бұл көрсеткіш өткен жылдың қаңтар-мамыр айларымен салыстырған 33,7%-ға төмен.
Ал жаңадан сатып алынған көліктердің саны 33 655. 2019 жылдың осы кезеңімен салыстырғанда биыл статистика 7,9%-ға кеміген. Өткен жылы бұл уақытта 36 524 су жаңа авто тіркелген еді.
Биылғы жылдың тек мамыр айында 73 363 көлік заңдастырылған. Бұл нәтиже 2019 жылдың мамырындағы көрсеткіштен 40,7%-ға аз.
Алайда электр қуатымен жүретін автолар бойынша динамика байқалады. Өткен жылы қаңтар-мамыр айларында 13 көлік сатылса, биыл 16 жеңіл темір тұлпар тіркелген.
Ал ең көп қайта сатылған көліктер 20 жылдан аса уақыт қолданыста болған екен. Бұл жалпы тіркелгендердің 42,3%-ы. Қайталама тіркеулердің көбі Алматы облысында (53 983), Алматы қаласында (42 639).
Құралай Құдайберген
