Оның сөзінше, Конституциялық комиссия оның бәрін егжей-тегжейлі ұқыптылықпен қарап шыққан, деп хабарлайды inbusiness.kz сайты.
– Бүгінге дейін Конституциялық комиссияның атына 10 мыңнан астам өтініш келіп түскенін хабарлағым келеді. Бұл – комиссия мүшелерінің, азаматтардың, азаматтық қоғам өкілдерінің, сарапшылар қауымдастығының, бизнес құрылымдарының және өзге де мүдделі тараптардың ұсыныстары, – деді отырыс шымылдығын ашқан ол.
Конституциялық сот төрағасы барлық келіп түскен материал жүйеленгенін, тақырыптық бағыттар бойынша топтастырылғанын сөз етті.
– Әрбір бағыт бойынша құқықтық және мазмұндық талдау жүргізілді. Ұсыныстар олардың негізділігі және іске асырылу мүмкіндігі тұрғысынан бағалануда. Мұндай белсенділік қоғамның жоғары деңгейдегі қатысын айқын көрсетеді және жаңа Конституция жобасын талқылаудың шынайы ашық әрі мазмұнды сипат алғанын дәлелдейді, – деді Эльвира Әзімова.
