Қаржы мониторингі агенттігі Қостанайда Antares Limited пирамидасы анықталғаны туралы хабарлады, деп жазды inbusiness.kz.
ҚМА мәліметінше, ұйымдастырушылар компанияға қолма-қол 100 доллар немесе одан да көп инвестиция салуға шақырған. Сол арқылы салымшылар күнделікті 0,5-2% көлемінде кепілдендірілген пайда табады деп уәде берген.
"Қазіргі уақытта сотталушыларға қатысты тергеу шаралары жүргізілуде. Сот күдіктілерге қатысты үйқамақ түріндегі бұлтартпау шарасын таңдады", – деп жазылған хабарламада.
Ведомство азаматтарды аса сақ болуға және оларды қаржылық пирамидаларға тартатын алаяқтардың айла-амалына түспеуге шақырады.
"Қаржы пирамидалардың басты мақсаты – капиталды тез ұлғайту жолын ұсына отырып, сенгіш азаматтардың есебінен ақша табу", – деп ескертті ҚМА.
