"Синьхуа" агенттігінің мәліметіне сүйенсек, қазан айында өндірілген мұнай көлемі 16,19 млн тонна болды. Ал мұнай өңдеу көлемі 4,1%-ға көтеріліп, 52,13 млн тоннаға жетті.
Осы жылдың қаңтар және қазан айлары аралығында мұнай өнімдерінің көлемі 159,29 млн тоннаға дейін өсті.
Қазан айында газ импорты 5,7%-ға қысқарып, 9,34 млрд шаршы метр болды. Дегенмен де көрсеткіш 9 ай ішінде 8,4%-ға көтеріліп, 106,8 млрд шаршы метрге жетті.
Айта кетейік, Қытай – әлемдегі ірі мұнай импорттаушылардың бірі. Елдегі мұнайдың 60%-ын басқа елдерден сатып алады. 2020 жылы Бейжің жылдық мұнай өндірісін 200 млн тоннаға дейін арттыруды жоспарлап отыр.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
