22 қыркүйек күнгі сауда барысында материктік Қытай мен Гонконгтағы қор индекстері өсуде, ал басқа азиялық нарықтар төмендеуде, деп хабарлайды inbusiness.kz тілшісі Интерфакс-Қазақстанға сілтеме жасап.
Инвесторлар Жапония банкі отырысының нәтижелерін және статистиканы бағамдайтыны анық.
Жапон Орталық банкі ақша-несие саясатының негізгі параметрлерін өзгеріссіз қалдырды. Коммерциялық банктердің Орталық банктегі депозиттері бойынша қысқа мерзімді сыйақы мөлшерлемесі жылдық -0,1% деңгейінде сақталды, он жылдық мемлекеттік облигациялар бойынша мақсатты кірістілік нөлге жақын болды. Жапония банкі сондай-ақ он жылдық мемлекеттік бағалы қағаздардың кірістілігі ауытқуы мүмкін диапазонды - плюс/минус жылдық 0,5% -ды сақтап қалды.
Орталық банк мәлімдемесінде инфляция бойынша мақсатты көрсеткіштерге әлі қол жеткізілмегенін, сондықтан монетарлық ынталандыру шаралары жалғасатынын атап өтті.
Жапондық Nikkei 225 индексінің құны 0,4%-ға төмендеді. Осы аптаның басынан бері ол шамамен 4% жоғалтты, бұл өткен жылдың желтоқсан айынан бері апта сайынғы ең үлкен құлдырау, деп хабарлайды Trading Economics.
