Қауіпті кеселдің кесірінен әлемдегі ең ірі тұтынушы Қытай қара алтынға деген сұранысты күніне 3 млн баррельге дейін азайтты. Салдарынан 20 қаңтардан бері мұнайдың бағасы 10 пайызға түсіп кетті, деп хабарлайды Atameken Business.
Қазір Brent маркалы өнім 55 доллар 59 центке саудаланып жатыр. Ал WTI-дің баррелі – 50 доллар 78 цент.
Енді ОПЕК наурыз айына жоспарлаған кездесуді күні бұрын өткізіп, өндіріс көлемін шектеуге кіріседі. Себебі тәулігіне 14 млн баррель сатып алып отырған елдің сұранысты 20 пайызға дейін азайтуы – нарық ойыншылары үшін ауыр соққы. Салыстырмалы түрде айтатын болсақ, көрші мемлекет импортының мөлшері – Франция, Германия, Италия, Испания, Британия, Жапония және Оңтүстік Корея сияқты 7 ел сатып алатын көлемді қоса есептегенде бірдей.
