Қызылорда облысы бюджеті 593 млрд теңгеге жетті. Бұл 2022 жылғы бюджет көлемімен салыстырғанда (387,3 млрд теңге) 205 млрд 700 млн теңгеге, яғни 53% жоғары.
Бұл туралы елордада өткен баспасөз мәслихатында Қызылорда облысының әкімі Нұрлыбек Нәлібаев айтты, деп хабарлайды inbusiness.kz.
"Бюджетіміздің 64% (378,6 млрд теңге) әлеуметтік салаға бағытталған", – деп қосты өңір басшысы.
2023 жылдың 4 айында облыста әлеуметтік-экономикалық дамудың оң динамикасына қол жеткізілген.
"Ауыл шаруашылығының өнімі – 1,6%, өңдеу өнеркәсібінің көлемі – 1,9%, пайдалануға берілген тұрғын үйлер көлемі – 2,4%, сауда көлемі – 2,5%, инвестициялар тарту – 42,1% және құрылыс жұмыстарының көлемі – 44%-ға артты", – деді аймақ басшысы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
