Қызылорда облысында бір апта ішінде жол қозғалысы ережелерін бұзудың 8 мыңнан астам дерегі тіркелді, деп хабарлайды inbusiness.kz сайты.
Олардың басым бөлігі белгіленген жылдамдықты асыруға қатысты.
Өңірде жол қауіпсіздігін қамтамасыз ету мақсатында бақылау жұмыстары жалғасып жатыр.
Анықталған құқықбұзушылықтардың ішінде:
3 234 жүргізуші жылдамдықты шамадан тыс асырған;
1 833 жүргізуші қауіпсіздік белдігін тақпаған;
153 жағдайда маневр жасау және жол жүрісі қағидалары бұзылған;
55 жүргізуші қарсы бағыттағы қозғалыс жолағына шығып, басып озу талаптарын сақтамаған.
Құзырлы органдар жүргізушілерді жол ережелерін қатаң сақтауға, белгіленген жылдамдық режимінен аспауға және қауіпсіздік белдігін тағуға шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
