Бұл туралы қала әкімдігі хабарлады, деп жазады inbusiness.kz сайты Қазақпаратқа сілтеме жасап.
ҚР Ұлттық экономика министрлігінің 2015 жылғы 27 наурыздағы № 255 бұйрығымен бекітілген қағидаға сәйкес азаматтардың өтініші бөліп беруге арналған алаңдар немесе жеке тұрғын үй құрылысы үшін пайдаланылатын бос аумақтар дайын болған кезде қанағаттандырылады.
– Былтыр біз прокуратурамен бірге жұмыс атқардық. Сол кезде 2005 жылғы арыз иелерінен жер ала алмай жүрген 300-дей адам қалған екен. Олардың барлығына хабарлама жолданды. Биыл 1 қаңтардан 2006 жылдың бірінші жартысында кезекке тұрған азаматтарға жер бере бастадық. Жылжу бар. Жер телімдері негізінен қаланың "Бәйтерек" шағын ауданынан беріліп жатыр. Сұранысқа сәйкес ауылдардан да үлестіріледі, – деді қала әкімі Нұржан Ахатов.
