Британ полициясы Лондондағы Ричмонд саябағын жауып, түрмеден қашып кеткен және терроризмге қатысы бар деп айыпталған әскери қызметкер Дэниел Абед Халифаны іздеп жатыр, деп хабарлады жұма күні Sky News.
Қазір полицейлер саябақты жауып, Халифаны іздеуге кірісті. Қызметкерлер саябаққа шығатын және кіреберістерде кезекшілікте, екі тікұшақ та аумақты патрульдеуде.
Ричмонд саябағы Лондонның оңтүстік-батысында орналасқан және Ұлыбритания астанасындағы ең үлкен корольдік саябақ болып табылады. Оның ауданы 955 гектарды құрайды.
Халиф 6 қыркүйек күні таңертең қаладағы ең үлкен түрме Уандсворттан қашып кетті. 21 жастағы бұрынғы сарбаз ас үйде жұмыс істеп жатқан кезде түрмеден шығып бара жатқан азық-түлік таситын көлікке жасырынып, қашып кеткен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
