Таяу Шығыстағы қақтығысқа байланысты Lufthansa концерніне қарасты әуе компаниялары 24 қазанға дейін Абу-Даби, Амман, Бейрут, Даммам, Эр-Рияд, Эрбиль, Маскат және Тегеран әуежайларына ұшпайды, деп хабарлайды inbusiness.kz сайты DW-ге сілтеме жасап.
Шектеулер Lufthansa, Austrian Airlines, Swiss, Brussels Airlines, ITA Airways, Edelweiss және Lufthansa Cargo компанияларының рейстеріне қатысты екені белгілі болды. Дубай мен Тель-Авивке бағытталған рейстер де аталған тасымалдаушылар үшін 31 мамырға дейін тоқтатылмақ. Lufthansa Cargo жүк рейстері Тель-Авивке, сондай-ақ Eurowings жолаушылар рейстері Тель-Авив, Бейрут және Эрбиль қалаларына 30 сәуірге дейін орындалмайды.
Air France әуе компаниясы Дубай мен Эр-Риядқа, сондай-ақ осы қалалардан ұшуды 31 наурызға дейін ұзартты. Тель-Авив пен Бейрутқа және ол жақтан ұшатын рейстер 4 сәуірге дейін тоқтатылады.
"Компания өз рейстерін уақытша тоқтата тұруды ұзартуға мәжбүр", – деп хабарлады әуе тасымалдаушы.
Израиль мен АҚШ-тың Иранға қарсы соғысы Таяу Шығыста да, одан тыс аймақтарда да әуе қатынасының іркілісіне әкелді.
