Маңғыстау облысында қатты желдің салдарынан сауда орталығының шатыры ұшып кетті, деп жазады inbusiness.kz сайты Lada.kz порталына сілтеме жасап.
Облыстық төтенше жағдайлар департаментінің мәліметінше, 16 ақпанда кешкі сағат 18:45 шамасында мониторинг барысында "Бақжан" сауда орталығында шатырдың ұшқаны анықталған.
Жел екі қабатты ғимараттың шамамен 100 шаршы метр шатыр жабындысын жұлып әкеткен. Нысанның жалпы аумағы 612 шаршы метрді құрайды.
Ұшқан шатыр сынықтары тұрақта тұрған 2 автокөлікке және 1 жарықтандыру бағанасына зақым келтірген.
Зардап шеккендер жоқ. Оқиға орнына департаменттің қызметкерлері мен 2 техника жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
