Жақында ғана 10 дана жұмыртқаның құны 470- 510 теңгеге дейін еді. Ал бүгін 550-600 теңгені құрады.
"Өндірушілердің себептерінің бірі - жазғы кезеңде тауық жұмыртқасына сұраныс азаяды және құс фабрикаларының өзіндік шығындарын азайту үшін тауықтар ет өнімдеріне жіберіледі. Күн салқындауға байланысты тауық жұмыртқасына сұраныс қайта артады. Бұл ретте құс фабрикалары өз шығындарын өтеу мақсатында өнімнің өзіндік құнын арттырады",- дейді Маңғыстау облысының кәсіпкерлік және сауда басқармасының басшысы Дастан Мұратәлиев.
Дастан Мұраталиев тауық жұмыртқасының бағасын ұстап тұру мақсатында "айналым механизмі" шеңберінде құс фабрикаларымен өнімді белгіленген бағамен сату туралы келіссөздер жүргізіліп жатқанын атап өтті.
Жұмыртқалар Қазақстандағы әлеуметтік маңызы бар өнімдердің тізіміне енеді. Тұрақтандыру қорында өнімнің жеткілікті қоры бар ма? Ауылшаруашылығы басқармасының басшысы Қазыбек Тәшімов тұрақтандыру қорына жұмыртқа тез бұзылатын өнім болғандықтан сатып алынбайтынын айтты.
