Маңғыстауда борышкер ретінде 51 мың адам анықталды. Олар 1,2 млрд теңгеден астам сомаға көлік салығына қарыз. 26 мамырдан бастап берешек сомасы 1 АЕК-тен, яғни 3450 теңгеден асатын борышкерлердің тізімдері өндіріп алу үшін сот орындаушыларына жіберілетін болады.
"Заңнамаға сәйкес сот орындаушылары банктік шоттар мен мүлікке тыйым салуға құқылы. Сондай-ақ, 40 АЕК-тен 138 000 теңге берешек сомасы кезінде ҚР-дан шығуға тыйым салынуы мүмкін. Бұдан басқа, жеке сот орындаушылары берешек сомасынан басқа, қарыздың 25% - на дейінгі мөлшерде қосымша төлем өндіріп алады", - дейді Маңғыстау облыстық кірістер департаменті өкілдері.
Азаматтар берешектің жоқтығына көз жеткізу үшін E - Salyq Azamat → электрондық сервистер → салықтық және әлеуметтік төлемдер бойынша берешек сервисі → ЖСН енгізу бойынша мобильді қосымшаның көмегімен салықтар бойынша берешектің болуы не болмауы туралы мәліметтерді тексере алады.
