Бүгінде мемлекеттік меншік мүддесін қорғау жұмысы ерекше бақыланып, жалғасып келеді, деп хабарлайды inbusiness.kz сайты.
– Мемлекет басшысының тапсырмасы бойынша прокуратура органдары заңсыз берілген мемлекеттік активтерді қайтару бағытында жүйелі жұмыс жүргізіп келеді.
Жүргізілген шаралар нәтижесінде 2019 жылы "Қазақстан мәдениет зерттеу институты" ЖШС-нің заңсыз түрде иеліктен шығарылғаны анықталды.
Медеу ауданы прокуратурасының талабы негізінде сот мәмілелерді жарамсыз деп танып, жалпы құны 300 млн теңгеден асатын активтер мемлекетке қайтарылды, – делінген хабарламада.
Бұған дейін бас прокурор мемлекет меншігіне 800 мың гектар жердің қайтарылғанын жазған едік.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
