2021 жылғы қаңтар-шілдеде мемлекеттік бюджет кірісі 8,4 трлн теңге болды, бұл өткен жылмен салыстырғанда 4,6%-ға артық, деп хабарлайды inbusiness.kz порталы finprom.kz-ке сілтеме жасап.
2020 жылғы 7 айда мемлекеттік бюджет кірісі 8,1 трлн теңге болды, жылдық өсім – 14%.
Түсімдердің басым бөлігі салықтардың үлесінде: 65,6% немесе 5,5 трлн теңге, бір жылда плюс – 29,3%. Олардың ішінде қосылған құн салығы 1,5 трлн теңге, бір жылда плюс 24%, корпоративті табыс салығы – 1,3 трлн теңге, бір жылда плюс 35,6%, жеке табыс салығы – 641,3 млрд тг, бір жылда плюс 17%, әлеуметтік салық – 467,4 млрд теңге, бір жылда плюс 11,8%, акциздер – 254,4 млрд теңге, бір жылда плюс 6%.
Бюджетке салықтық емес түсімдер жалпы көлемі – 2,3% немесе 197,5 млрд теңге, өткен жылмен салыстырғанда 33,7%-ға артық. Негізгі капиталды сатудан түскен түсімдер – 98,9 млрд теңге, өсім – 2,6 есе.
Биыл трансферттер түсімдері өткен жылғы көрсеткіштермен салыстырғанда
27,6%-ға немесе 2,6 трлн теңгеге төмендеді, трансферттер түсімдері кірістер құрылымында – 30,9%.
Қаржы министрлігінің есебіне сәйкес, 2021 жылғы 1 қыркүйектегі жағдай бойынша мемлекеттік бюджет кірісі трансферттерді есепке алмағанда 7,1 трлн теңге болды. Жоспардың 105,3% орындалды.
Жыл басынан бері 1,4 трлн теңгеге 2,2 мың аудиторлық іс-шара өткізілді. Осылайша 146 млрд теңгеге қаржылық бұзушылықтар анықталды, 94 млрд теңгеге қаржылық бұзушылық жойылды.
Дәурен Ерболат
