Денсаулық сақтау министрі Ақмарал Әлназарова Үкімет отырысынан кейін өткен баспасөз мәслихатында әкімдік ғимараты алдында оқ тиіп жараланған Шымкент қаласы әкімінің орынбасары Руслан Берденовтің денсаулығына қатысты ақпарат берді.
– Жағдайын "тұрақты ауыр" деп сипаттауға болады. Ол ауруханаға түскен бетте екі хирургиялық бригада төрт сағат бойы шұғыл көмек көрсетті. Ота жасалды, қазіргі таңда жағдайы тұрақты. Өз аяғымен қозғалып жүр, бірақ әлі де дәрігерлердің бақылауында, – деді министр.
Еске салайық, 21 сәуірде Руслан Берденовке қастандық жасалып, ол жарақат алған еді.
Кейінірек, 25 сәуірде шенеунікке оқ атқан күдіктінің әкесі көпшілікке мәлімдеме жасады.
Айта кетейік, Руслан Берденов 2024 жылдың ақпан айының соңында Шымкент қаласы әкімінің орынбасары болып тағайындалған болатын.
