Қазақстан облысының Шемонаиха ауданы прокуратурасы мүмкіндігі шектеулі азаматтардың құқықтарының сақталуына жүргізілген талдау барысында бірқатар мәселені анықтады, деп хабарлайды inbusiness.kz сайты.
Прокуратура мәліметінше, ауданда 1437 мүмкіндігі шектеулі жан тұрады. Оның ішінде 155 бала бар. Кейбір тұрғындар тұрақты түрде гемодиализ қабылдайды, сондықтан олар үшін үздіксіз әрі қолжетімді көлік қатынасы аса маңызды.
Алайда бұған дейін жұмыс істеп келген "Инватакси" қызметінде небәрі үш арнайы көлік болған. Бұл аудан тұрғындарының қажеттілігін толық қамтамасыз етуге жеткіліксіз деп танылды.
Прокурорлық қадағалау актісінен кейін әкімдік мамандандырылған автопаркті 10 көлікке дейін ұлғайту шараларын қабылдады. Сонымен қатар тұрғындарға көлік қызметін пайдалану тәртібі мен құқықтары түсіндірілген.
Қадағалау органы қабылданған шаралар әлеуметтік осал топтарға медициналық және әлеуметтік көмектің қолжетімділігін арттырғанын атап өтті.
