Наурыз мейрамына орай Астанада мың литр Наурыз көже дайындалады, деп хабарлайды 24.kz.
Ертеңнен бастап, республика бойынша Ұлыстың ұлы күні тойланады. Елордада басты мерекелік бағдарлама ЭКСПО аумағында басталмақ. Мұнда қала қонақтары мен тұрғындары үшін этноауыл ашылып, қонақтар қазақ күресі, асық ату, арқан тарту, армрестлинг және кір көтеруден сайысқа түсе алады. Бұдан басқа демалушылар "Қой көтеру" ұлттық ойынында күш сынасып, алтыбақан тебу мүмкіндігіне ие болады. Ал "Қазақ елі" монументі алдындағы алаңда "Дала қазығы" атты тарихи ортағасырлық жекпе-жек турнирі өтеді. Сондай-ақ отандық эстрада жұлдыздарының қатысуымен театрландырылған қойылымдар мен концерттер ұйымдастырылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
