Үш аттап секіруден олимпиада чемпионы Ольга Рыпакова Цюрихтегі "Гауһар лигада" жеңімпаз атанды, деп хабарлайды vesti.kz.
Рыпакова төртінші мүмкіндігінде үздік нәтиже көрсетті – 14,55 метр. Екінші орынды Венесуэла атлеті Юлимар Рохаз алды – 14, 52 метр. Ал үшінші орында Колумбия өкілі – Катерина Ибаргуэн (14,48 метр).
Еске салайық, отандасымыз Лондонда жеңіл атлетикадан тамыз айында өткен әлем чемпионатында қола медаль жеңіп алған еді. Қазақстандық сол кезде 14,77 метрге секіріп, маусымдағы үздік көрсеткішке қол жеткізген болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
