Қазақстан Ұлттық банкі 2026 жылғы 18 ақпаннан бастап "Спорт" сериясынан "OLYMPIC GAMES 2026. SHORT TRACK" және "Есте қалатын оқиғалар мен біртуар тұлғалар" сериясынан "БАЙҚОҢЫР – 70 ЖЫЛ" коллекциялық монеталарын сатылымға шығарады, деп хабарлайды inbusiness.kz сайты.
"OLYMPIC GAMES 2026. SHORT TRACK" монетасы күмістен дайындалған, сынамасы – 925.
- Массасы – 20 грамм, диаметрі – 37 мм.
- Дайындау сапасы – proof.
- Номиналы – 1000 теңге.
- Таралымы – 2000 дана.
Монета қысқы Олимпиада ойындарының бағдарламасына кіретін шорт-трек спортына арналған.
"БАЙҚОҢЫР – 70 ЖЫЛ" монетасы толықтай танталдан дайындалған. Аверсінде ультракүлгін сәуледе көрінетін жасырын бейнелерді қолдану технологиясы пайдаланылған.
- Массасы – 100 грамм, диаметрі – 50 мм.
- Дайындау сапасы – proof.
- Номиналы – 2000 теңге.
- Таралымы – 500 дана.
Коллекциялық монеталар Қазақстан теңге сарайында дайындалған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
