ОПЕК+ ұйымына мүше елдердің жартысы мұнай өндіруді ерікті түрде қысқартуды бастады

544

Бұл шара 1 мамырдан бастап, жыл соңына дейін жалғасады. 

ОПЕК+ ұйымына мүше елдердің жартысы мұнай өндіруді ерікті түрде қысқартуды бастады Фото: yandex.kz

ОПЕК+ келісіміне қатысушы бірқатар елдер мамыр айында мұнай өндіруді ерікті түрде қысқартуды бастады, ол 2023 жылдың соңына дейін созылады. Өндірістің жалпы төмендеуі тәулігіне 1,66 млн баррельді құрайды (б/т), деп хабарлайды inbusiness.kz ТАСС-қа сілтеме жасап.

Кейбір ОПЕК+ елдері, соның ішінде ең ірі мұнай өндіруші Сауд Арабиясы, 3 сәуірде өтетін альянстың министрлер мониторингі кездесуінен бір күн бұрын күтпеген жерден мұнай өндіруді мамырдан 2023 жылдың соңына дейін қысқартатынын жариялады. Мониторинг отырысынан кейін ОПЕК сайтында жарияланған мәлімдемеде өндірісті азайтуға бағытталған алдын алу шаралары мұнай нарығындағы тұрақтылықты сақтауға бағытталғаны айтылды.

Өндіріске қосымша шектеу шараларын 9 ел жариялады. Сауд Арабиясы өндірісті өз еркімен тәулігіне 500 000 баррельге, Ирак – 211 000, БАӘ – тәулігіне 144 000, Кувейт – 128 000 баррельге, Қазақстан – 78 000, Алжир – 48000 баррельге, Оман – 40400 , Габон 8000 барельге қысқартады.  Ресей маусым айының соңына дейін күшінде болған орташа ақпандағыдан тәулігіне 500 000 баррельге қысқарту туралы шешімді жылдың соңына дейін ұзартты.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу