Жақсылық Омар Өскемен қаласының әкімі қызметіне тағайындалды, деп хабарлайды kaz.altaynews.kz ШҚО әкімі баспасөз қызметінің мәлімдемесіне сүйеніп.
"Бүгін облыс әкімі Даниал Ахметов қала активіне Омар Жақсылық Мұқашұлын таныстырды", - делінген хабарламада.
Жақсылық Мұқашұлы Омар 1980 жылы 28 қыркүйекте Алматы облысы Алакөл ауданы Үшарал ауылында дүниеге келген. 2001 жылы Абай атындағы Алматы мемлекеттік университетін тәмамдаған.
2001-2004 жылдары Қазақстан Республикасының Мәдениет, ақпарат және қоғамдық келісім министрлігінде. 2004-2007 жылдары Қазақстан Республикасы Мәдениет министрлігінде. 2007-2009 жылдары "Қазақстан" республикалық телерадиокорпорациясы" АҚ-ында. 2009-2009 жылдары "Арна медиа" Ұлттық ақпараттық холдингі" АҚ-ында. 2009-2010 жылдары Шығыс Қазақстан облысы әкімінің көмекшісі. 2010-2011 жылдары Шығыс Қазақстан облысы ішкі саясат басқармасы бастығының орынбасары, бастығы. 2011-2013 жылдары Шығыс Қазақстан облысы мәдениет басқармасының бастығы. 2013 жылдан бастап Шығыс Қазақстан облысы әкімінің орынбасары. 2016 жылдың қарашасынан бастап Алматы облысы әкімінің орынбасары қызметтерін атқарған.
