FlyArystan әуекомпаниясы барлық ішкі және бірқатар халықаралық бағыттарға 15% жеңілдікпен екі күндік әуебилеттері сатылымын жариялайды, деп хабарлайды inbusiness.kz сайты.
2 күнге созылатын сатылым барысында жолаушылар 2026 жылғы 8 қыркүйек пен 21 қазан аралығындағы сапарларға арнайы тарифтер бойынша билеттер сатып ала алады.
Жеңілдік FlyArystan әуекомпаниясының барлық ішкі рейстеріне, сондай-ақ келесі халықаралық бағыттарға қолданылады:
- Астана – Ташкент – Астана;
- Алматы – Самарқан – Алматы;
- Алматы – Үргеніш – Алматы;
- Алматы – Сиань – Алматы;
- Астана – Үрімші – Астана;
- Ақтау – Үрімші – Ақтау;
- Ақтау – Баку – Ақтау;
- Алания (Газипаша әуежайы) – Астана / Алматы және кері бағытта;
- Кутаиси – Алматы / Астана / Ақтау / Атырау және кері бағытта.
FlyArystan әуекомпаниясының стандартты тарифіне салмағы 7 кг-ға дейін, өлшемі 56 × 23 × 36 см-ден аспайтын бір дана қолжүгі кіреді. Әуекомпания қосымша қызметтерді билет сатып алу кезінде бірге рәсімдеуді ұсынады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
