Өзбекстан мен Франция құны 1 миллиард еуродан асатын ынтымақтастық бағдарламасына қол қойды

549

2025 жылға дейін құны бір миллиард еуродан асатын жаңа стратегиялық ынтымақтастық бағдарламасына Өзбекстан үкіметі мен Францияның даму агенттігі (ФДА) қол қойды.  

Өзбекстан мен Франция құны 1 миллиард еуродан асатын ынтымақтастық бағдарламасына қол қойды Фото: yuz.uz

Бұл туралы бүгін "Ферғана" ақпарат агенттігі Өзбекстан басшысының баспасөз қызметіне сілтеме жасап хабарлайды, деп жазады inbusiness.kz.

Баспасөз қызметі хабарлағандай, бағдарлама ауыл шаруашылығы, энергетика, "жасыл" экономика, қала құрылысы, сумен жабдықтау, банк-қаржы секторы мен көлік саласындағы нақты бірлескен жобаларды көздейді.

Құжатқа ФДА бас директоры Реми Рионың Парижге екі күндік ресми сапармен келген Өзбекстан президенті Шавкат Мирзиеевпен кездесуінің нәтижесінде қол қойылды.

Бірінші күні Мирзиеев Францияның жетекші компаниялары мен қаржы құрылымдарының басшыларымен кездесу өткізді. Қатысушылар арасында Францияның MEDEF кәсіпорындар қозғалысының бас директоры Филипп Готье, 20-ға жуық ірі компаниялар мен банктердің басшылары болды.

Өзбек көшбасшысы Француз кәсіпкерлерін барлық қажетті өндірістік инфрақұрылыммен қамтамасыз етуге, жеңілдіктер мен кепілдендірілген сатып алулар түріндегі жан-жақты қолдау көрсетуге, барынша жәрдемдесуге дайын екенін мәлімдеді.

"Біз шетелдік инвестор алдында Өзбекстанды мызғымас тұрақтылық кепіліне айналдыру жолында барымызды саламыз",  - деді ол.

Мирзиеев ынтымақтастықтың ең тиімді бағыттары ретінде үстінен қосылатын құны жоғары тауарлардың, "жасыл" энергетиканың, тамақ өнеркәсібінің, химия және автомобиль өнеркәсібінің, электротехника мен электрониканың, денсаулық сақтаудың бірлескен өндірістерін құруды атады.

Сейсенбіде Өзбекстан Президенті Парламенттің төменгі палатасы - Франция Ұлттық Жиналысының төрағасы Яэль Браун-Пивемен кездеседі, содан кейін Франция президенті Эммануэль Макронмен келіссөздер жүргізеді. Жоспар бойынша ресми кездесуден кейін мемлекет басшылары Лувр мен Араб әлемі институтында ашылған Өзбекстанның мұражай коллекцияларының экспонаттарының көрмелеріне барады. 

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу