Бұл туралы "Ферғана" АА Өзбекстан басшысының баспасөз қызметіне сілтеме жасап хабарлайды, деп жазады Inbusiness.kz.
Баспасөз қызметі хабарлағандай, өзбек фермерлері 1 сәуірден бастап несие ала алады.
Ол үшін фермерлер жобаларын Министрліктің ашық электрондық платформасы арқылы қарауға ұсыну қажет.
Несие мөлшерлемесі 10 жылға дейінгі мерзімге 14% құрайды. Ақша өнімді өсіруге, өңдеуге әрі сатып алуға, сондай-ақ қажет жабдықтарды алуға жұмсалуы керек. Осы мақсаттарға барлығы $ 130 млн көзделген.
Несие сомасының 80%-ын 10 жыл ішінде бөліп төлеуге болады. Несиенің қол жетімділігін банктік сыйлықақының жоқтығы арттырады.
Кәсіпкерлер үшін тікелей кредиттерді енгізу 23 наурызда Шавкат Мирзиеев өткізген азық-түлік өнімдерін өндіруді ұлғайту шаралары мен көктемгі егіс маусымын тиімді ұйымдастыру жөніндегі кеңесте жарияланды.
Кеңесте соңғы жылдары азық-түлік дақылдарын өсіруге 200 мың гектар жер бөлініп, айналымға қосымша 500 мың гектар жер енгізілгені атап өтілді.
