АҚШ мемлекеттік хатшысы Блинкен мен Израиль премьер-министрі Нетаньяхудың қатысуымен өткен баспасөз мәслихатында 25 АҚШ азаматы қаза тапқаны мәлім болды, деп хабарлайды Inbusiness.kz тілшісі.
АҚШ мемлекеттік хатшысы Блинкен Палестина-Израиль қақтығысының алтыншы күнінде Израильге барды. Сапар барысында ол бірнеше кездесу өткізеді деп жоспарланған. Алдымен Блинкен Израиль премьер-министрі Нетаньяхумен кездесті.
Кездесуден кейін баспасөз мәлімдемесін жасады. Онда Американың мемлекеттік хатшысы
"Қақтығыс кезінде кемінде 25 АҚШ азаматы қаза тапты", - деді.
Сонымен қатар Блинкен бүгін Израиль президенті Исаак Герцогпен кездеседі. Ал ертең ертең Палестина басшысы Махмуд Аббаспен жүздеседі деп күтілуде. Сондай-ақ, мемлекеттік хатшы Блинкен АҚШ президенті Джо Байден мен Америка халқы Израильді қолдайтынын тағы бір мәрте еске салды.
