Павлодардағы қылмыстық-атқару жүйесі мекемесінің басшысы былтыр сотталғандардан пара алып, істі болды, деп хабарлайды inbusiness.kz тілшісі.
Алдымен түзету мекемесінің басшысы өткен жылдың қаңтар айында сотталушылардың бірінен кеңсе креслосын алған. Араға бір ай салып жазасын өтеп жатқан басқа азаматтардан 3 млн теңге көлемінде пара талап еткен.
Павлодар қалалық №2 сотының хабарлауынша, түрменің бұрынғы басшысы кінәсін толық мойындап, оған қатаң жаза қолданбауды сұраған. Сот оның кәмелеттік жасқа толмаған төрт баласы барын ескеріп, үш жарым жылға бас бостандығынан айырды.
Сонымен қатар, өмір бойы мемлекеттік қызметте жұмыс істеуге тыйым салды.
Сот шешімі заңды күшіне енген жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
