Павлодар облысында 67 жастағы тұрғынға орманнан ағаштарды рұқсатсыз алып кеткені үшін айыппұл салынды, деп хабарлайды inbusiness.kz сайты облыстық соттың баспасөз қызметіне сілтеме жасап.
Ер адам орманда желден құлап, қурап жатқан 9 ағашты көрген. Ол ағаштарды аралап, отын ретінде пайдалану үшін көлігімен екі рет үйіне тасыған.
Алайда қураған ағаштар "Ертіс орманы" табиғи резерватының аумағында жатқан. Сондықтан оларды рұқсатсыз кесіп, алып кетуге болмайды.
Сот шешімімен зейнеткерге 43 250 теңге көлемінде айыппұл салынды.
Сонымен қатар зейнеткер жәбірленушілерге өтемақы қорына 21 625 теңге төлеуге міндеттелді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
