Тудың салмағы 60 килограмды құрайды, ал жүк көтергіштігі 120 килограмм болатын дрон оны 180 метр биіктікке көтеріп, "Ertis Promenade" алаңы үстінен ұшырды.
Бұған дейін әлемде мұндай көлемдегі ту тек 3 дрон арқылы көтерілген болатын. Ертіс жағалауында енді жаңа рекорд орнатылды.
Рекордты ресми тіркеу үшін Павлодарға WBR (Дүниежүзілік рекордтар кітабы) Азия және Африка елдері бойынша рекордтарды тіркеу жөніндегі бас офицері Құдайбергенов Қуандық арнайы келді.
Іс-шара облыс әкімдігі мен облыстық мәдениет, тілдерді дамыту және архив ісі басқармасының қолдауымен ұйымдастырылды.
"Бұл жобаны біз тек рекорд үшін ғана емес, ұлттық бірліктің және патриотизмнің символы ретінде қарастырамыз. Жас ұрпаққа Отанға, халқына және Мемлекеттік рәміздерге деген сүйіспеншілікті сездірудің тамаша мүмкіндігі", – дейді іс-шара ұйымдастырушылары, "Шаңырақ" халық шығармашылығы және мәдени-сауық қызметі орталығының өкілдері.
