Ресей Федерациясының Алтай өңірі аумағында павлодарлық жасөспірім спортшыларды тасымалдаған автобус істен шықты, деп хабарлайды pavlodarnews.kz.
ҚР Омбыдағы елшілігі ұсынған ақпаратқа сүйенсек, 21-інен 22-қаңтарға қараған түрі Междуреченк (Алтай өңірі) – Павлодар бағыты бойынша қатынаған автобус сынып қалған. Көлікте "Ертіс" хоккей клубының 18 жас спортшысы, екі жаттықтырушы мен екі жүргізуші болған.
" Барлығы Қазақстан Республикасының азаматтары. Олар Степное ауылының жатақханасына орналастырылды. Зардап шеккендер жоқ, барлығы тамақпен қамтамасын етілді. Балалардың ата-аналарына хабар бердік. Қазіргі уақытта спортшыларды Павлодарға жеткізу мәселесі шешілуде", - деп жазды Қазақстан Республикасының Ресей Федерациясындағы Елшілігі өзінің Facebook парақшасындағы ресми аккаунтында.
Еске салайық, қатты аяз салдарынан Павлодар облысында барық бағыттар бойынша тас жолдар жабық. Сондай-ақ, Омбымен шекаралас жатқан Қазақстанның өңірлерінде көлік қозғалысы тоқтатылған.
