Индустрия және инфрақұрылымдық даму министрлігінің хабарлауынша, әуе көлігінің бортында оның командирі және ұшқыш нұсқаушы болған. Бірақ тікұшақ жерге сәтті қонған, зардап шеккендер жоқ.
"Аэропракт" ЖШС басшылығынан алынған мәліметтерге сүйенген, министрлік UP-ЕС114 тіркеу нөмірлі ВО-105 әуе кемесінің экипажы бекітілген жоспарға сай ұшу тапсырмасын орындағанын айтады.
"Петропавл қаласының әуежайынан 20 км қашықта орналасқан аумақтан әуеге көтерілген тікұшақтың қозғалтқышы белгіленген биіктікке жеткеннен кейін істен шығады. Экипаж командирі әуеден таңдалған алаңға қонуға мәжбүр болды. Шешім қабылдар алдында экипаж "Қазаэронавигация" РМК ӘҚҚ диспетчеріне қозғалтқыштың істен шыққаны туралы баяндады" – деп жазылған министрліктің хабарламасында.
ҚР ИИДМ авиациялық оқиғалар мен инциденттерді тексеру басқармасының қызметкерлері осы оқиғаға байланысты тексеру жүргізуді бастады.
