Салтанат Тұрсынбекова Орталық сайлау комиссиясына құжаттарын тапсырды, деп хабарлайды inbusiness.kz.
1 қазанда "Қазақстан Республикасындағы сайлау туралы" Қазақстан Республикасы Конституциялық Заңының 54 және 55-баптарына, сондай-ақ Орталық сайлау комиссиясының 2022 жылғы 23 қыркүйектегі №67/545 қаулысына сәйкес Салтанат Пархатқызы Тұрсынбекова комиссияға құжаттарын тапсырды.
Тапсырылған құжаттар:
1. "Қазақ аналары – дәстүрге жол" республикалық қоғамдық бірлестігінің жоғары органы отырысының Қазақстан Президенттігіне кандидат ұсыну туралы хаттамасынан үзінді;
2. Салтанат Тұрсынбекованың Қазақстан Республикасының Президенттігіне кандидат болуға келісімі туралы өмірбаяндық деректері қоса берілген өтініші;
3. Орталық сайлау комиссиясының шотына сайлау жарнасының енгізілгенін куәландыратын құжат;
4. Жеке басын куәландыратын құжаттың көшірмесі;
5. Жоғары білімі туралы дипломының көшірмесі.
Айта кетсек, бүгін Салтанат Тұрсынбекова Қазақстан Республикасының кандидаттығына үміткер ретінде ұсынылған болатын.
