Әділет министрі Ерлан Сәрсембаев редакциялық өзгерістерге кеңінен тоқталып, ұсыныстарды талқылауға атсалысты, деп хабарлайды inbusiness.kz сайты.
Министрдің сөзінше, жергілікті мемлекеттік басқару мен өзін-өзі басқару мәселелерін реттейтін Конституцияның VIII бөліміне және басқа да бөлімдеріндегі бірқатар бабына бір палаталы заң шығару органының, яғни Құрылтайдың енгізілуіне байланысты, сондай-ақ "Республика" деген атаудың орнына "Қазақстан Республикасы" деп нақтылау мақсатында редакциялық өзгерістер енгізіледі. – Конституцияның 43-бабы өзгеріссіз қалады, – деп нақтылады Ерлан Сәрсембаев.
Бұған дейін Астанада Конституциялық комиссияның екінші отырысы басталғаны хабарланды. Іс-шара конституциялық реформаға байланысты түскен ұсыныстарды талқылауға арналған.
ҚР Конституциялық Сотының төрайымы Эльвира Азимова комиссияға екі мыңнан астам ұсыныс түскенін, олардың барлығы біртұтас жинақталған кестеге топтастырылғанын атап өткен болатын.
