Орталық сайлау комиссиясының "Президенттікке үміткерлердің денсаулығына қойылатын талаптар мен азаматты тіркеуде кедергі келтіретін аурулардың тізбесін бекіту туралы" қаулысын жариялады. Тізімде 107 сырқаттың атауы көрсетілген. Олардың арасында психикалық, мінез-құлық, шизофрения сияқты өзге де ауру түрлері бар. Құжат 12 сәуірге дейін қоғам талқысында болады.
Еске сала кетсек, елімізде мерзімінен бұрын Президент сайлауы 9 маусымда өтеді. Кандидаттарды ұсыну шарасы 28 сәуірге дейін жалғасады. Ал үміткерлерді тіркеу 11 мамырда аяқталады. Сол күні сайлауалды үгіт-насихат жұмыстары басталып, 8 маусымда "тыныштық күні" жарияланады.
Бұл жолы кандидаттардың сайлауға қатысу жарнасы 2 млн 145 мың теңге деп бекітіліпті. Әр үміткерге бюджеттен 7,5 миллион теңгеден беріледі.
