"Құрметті Қасым-Жомарт Кемелұлы, мемлекеттеріміз арасындағы дипломатиялық қатынастардың 30 жылдығына орай шын жүректен құттықтауымды қабыл алыңыз", – делінген хабарламада.
Оның айтуынша, соңғы онжылдықтарда Ресей – Қазақстан байланыстары стратегиялық әріптестік пен одақтастық деңгейіне көтерілді. Маңызды екіжақты саяси диалог, сауда-экономикалық, ғылыми-техникалық, гуманитарлық және басқа да бағыттардағы сындарлы ынтымақтастық кеңеюде.
Сонымен қатар Ресей басшысы Мәскеу мен Астана ЕурАзЭҚ, ҰҚШҰ, ТМД, ШЫҰ және басқа да көпжақты құрылымдар шеңберінде тиімді өзара іс-қимыл жасайды, Орталық Азия және Каспий өңірлерінде қауіпсіздік пен тұрақтылықты нығайтуға маңызды үлес қосады деп санайды.
"Бірлескен күш-жігермен бауырлас халықтарымыздың игілігі үшін екіжақты қатынастардың одан әрі дамуын қамтамасыз ететінімізге сенімдімін.
Сізге, құрметті Қасым-Жомарт Кемелұлы шын жүректен зор денсаулық пен табыс, ал Қазақстанның барлық азаматтарына бақыт пен өркендеу тілеймін", – деді Путин.
