Комиссияның хабарлауынша, 14 наурыз күні сағат 18:00-ге дейін сайлаушылар өздерінің учаскелік комиссиясына жазбаша өтініш пен жеке куәлігін ұсынып, тіркеуден шығару куәлігін (открепительное удостоверение) ала алады.
"Дауыс беру күні тұрған жеріңіздегі учаскеде тіркеуден шығару куәлігін көрсету қажет. Учаскелік комиссия сізді дауыс берушілер тізіміне енгізеді", – делінген түсіндірмеде.
Бұл құжатты сенімхат арқылы өкіл де ала алады, ол үшін нотариалдық куәландыру талап етілмейді. Комиссия өкілдері куәлік жоғалған жағдайда қалпына келтірілмейтінін және оның көшірмесі берілмейтінін атап өтті. Сонымен қатар бір елді мекеннің аумағындағы басқа учаскеде дауыс беруді жоспарлаған азаматтарға тіркеуден шығару куәлігі берілмейді.
Еске сала кетейік, 15 наурызда Қазақстанда жаңа Конституция жобасы бойынша республикалық референдум өтеді.
