Ресейде Мемлекеттік дума сайлауы аяқталды. Ресми мәліметтерге сәйкес, саяси науқанға сайлаушылардың 56,66%-ы қатысқан, деп хабарлайды inbusiness.kz сайты ресейлік басылымға сілтеме жасап.
Орталық сайлау комиссиясы хаттамалардың 90,43%-ын өңдеді. Алдын ала деректерге сәйкес, "Біртұтас Ресей" партиясы 57,86% дауыс жинады. Бұл 2021 жылғы парламенттік сайлаудағы көрсеткіштен (49,82%) жоғары. Коммунистік партия – 13,84%, Ресейдің либералды-демократиялық партиясы – 8,90%, "Жаңа адамдар" партиясы 7,94% дауыс жинаған. "Әділетті Ресей" партиясы 4,95% дауыс алды, бірақ парламенттің төменгі палатасына өту үшін ол бес пайыздық межені еңсеруі тиіс.
Сонымен қатар "Біртұтас Ресей" кандидаттары 225 бірмандатты округтің 208-інде көш бастап тұр. Бұл партия конституциялық көпшілікке ие болуы әбден мүмкін, ол үшін оған 450 мандаттың 301-ден астамын алу қажет.
Мемлекеттік дума сайлауына барлығы 10 партия қатысқан.
Айта кету керек, бұған дейін Қасым-Жомарт Тоқаев Ресей президенті Владимир Путинді тоғызыншы шақырылымдағы Мемлекеттік Дума сайлауының табысты өтуімен құттықтағанын жазғанбыз.
