Ресейге "Сила Сибири-2" газ құбырын Қазақстан арқылы салу ұсынылды. Мұны еліміздің Энергетика министрі Нұрлан Ноғаев ресейлік әріптесі Александр Новакпен Мәскеуде өткен кездесуі барысында айтты. Яғни аталған құбырды Қазақстан аумағынан өткізіп, әрі қарай "Батыс-Шығыс" жүйесіне қосылу мүмкіндігі ұсынылып отыр, деп хабарлайды Atameken Business.
Айта кетсек, "Сила Сибири-2" – Ресей Федерациясынан Қытайға батыс бағыт бойынша газ жеткізуге арналған жоба. Сондықтан Қазақстанның ұсынысы қолдау тапса, елдің шығысын газдандыруға мүмкіндік болады.
Мамандардың айтуынша, Сарыбұлақ газ кен орны көлемінің шағын болуына байланысты өңірдің қажеттіліктерін толығымен қанағаттандыра алмай отырған көрінеді. Болашақта осы магистраль арқылы Үкімет елдің шығысы мен солтүстігін газбен қамтамасыз етуді қалайды.
