Еліміз бойынша NEET (Not in Education, Employment or Training) жастар үлесі 6,5%-ды құрайды. Олардың жұмысы да, оқуы да жоқ, деп жазады inbusiness.kz finprom.kz-ке сілтеме жасап.
Жұмыс күшіне 1,81 млн адам кірген. Бұл өткен жылмен салыстырғанда 12,8%-ға аз. Олардың ішінде 1,74 млн адам жұмыспен қамтылса, 68,5 мың адам – жұмыссыз.
Бұдан бөлек жұмыс күшінің құрамына кірмейтін 1,43 млн адам бар. Бұл 2021 жылдың екінші тоқсанымен салыстырғанда 6,6%-ға көп.
Оның ішінде 15-28 жас аралығындағы 1,29 млн адам күндізгі оқу нысанында оқитындықтан, жұмыс күшінің құрамына кірмейді. Олардың саны былтырмен салыстырғанда бір жылда 8,3%-ға артты.
Өңірлік бөліністе құлықсыз жастардың ең көп үлесі Ұлытау облысында (12,6%) тіркелді. Одан кейінгі орындарда Шығыс Қазақстан (10,8%) мен Қарағанды облысы (9,2%) орналасқан.
