"Самұрық-Энерго" мемлекеттік холдингі өзінің екі еншілес компаниясы акцияларының бақылау пакетін сатып алушыны анықтады, деп хабарлайды компанияның баспасөз қызметі.
Екі кезеңдік байқаудың қорытындысы бойынша "Шығыс Қазақстан аймақтық энергетикалық компаниясы" (100%-ы) және "Маңғыстау тарату электржелілік компаниясы" (78,64%) сатылды.
"Сауда сәтті өтті және байқау өтінімдері жеңімпаздарының баға ұсыныстары жарияланған бастапқы құнынан асып түсті", – деп хабарлады "Самұрық-Энерго" қаржы және экономика жөніндегі басқарушы директоры Қайрат Мақсұтов.
Оның айтуынша, тараптар мемлекеттік органдардың қажетті корпоративтік мақұлдаулары мен келісімдеріне қол жеткізілген соң мәмілені аяқтау шараларына кіріседі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
