Көлік нарығындағы сауда-саттық құлдырады, деп хабарлайды Atameken Business.
"ҚазАвтоӨнеркәсіп" ақпарына қарағанда, наурызбен салыстырғанда сәуір айының өзінде сауда 86%-ға азайған. Бұл 6 есеге төмен көрсеткіш "Қазақстанның автомобиль саласындағы кәсіпорындар одағы" есебі бойынша, 2020 жылдың 2-ші тоқсанының басында небәрі 950 бірлік авто сатылған.
Ал 2019 жылдың осы кезеңінде 5 мың 585-і сатылған болатын. Демек, жылдық құлдырау - 5,9 есеге төмен. Осылайша, сәуірдегі сауда-саттық небәрі 10 млрд теңгенің басын әрең құрап отыр.
Бұған әрине, басты себеп – карантин. Авто салондардың бәрі жабылып, кіріссіз қалған. Ал жалпы қаңтар-сәуірде ресми дилерлер 18,4 мың автомобиль сатып, 169,3 млрд теңгеге табыс көріпті. Бұл бәрібір 2019 жылғы көрсеткіштен 4,9% аз. Авто маркаларына келсек, ең көп сатылған топ бестікте: Lada, Hyundai, Toyota, KIA және Ravon тұр.
