30 жастағы жеке кәсіпкер полицияға алаяқтық туралы арызбен жүгінген, деп жазады inbusiness.kz сайты.
Жәбірленушінің айтуынша, 2024 жылы тамыз-қыркүйек аралығында бейтаныс ер адам сенімге кіріп, ақшаны көбейтуге көмектесемін деген желеумен тендерлерге қатысу арқылы пайда табуға уәде беріп, оның 4,3 млн теңгеден аса ақшасын иемденіп кеткен.
Жедел іздестіру іс-шаралары барысында полиция қызметкерлері күдіктіні анықтады. Ол 28 жастағы жергілікті тұрғын болып шықты. Күдікті ақшаны жұмсап үлгерген.
"Дәлел ретінде банк мәліметінің көшірмесі тәркіленді. Бұл дерек бойынша сотқа дейінгі тергеу басталды", – деп хабарлады өңір полициясы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
