Семей қаласының 34 жастағы тұрғыны Сәуле Мурзагалиева TikTok әлеуметтік желісіндегі тікелей эфир кезінде балаларының көзінше әдепсіз сөздер айтқаны үшін әкімшілік жауапкершілікке тартылды, деп хабарлайды inbusiness.kz сайты.
Полиция мәліметінше, әйелдің тікелей эфирін шамамен 640 адам көрген. Эфир барысында балағат сөздер қолданғаны үшін оған қатысты әкімшілік іс қозғалды.
Сот шешімімен әйел ұсақ бұзақылық жасағаны үшін кінәлі деп танылып, 20 АЕК мөлшерінде айыппұл салынды.
Полиция өкілдері әлеуметтік желідегі әрекеттер үшін де заң алдында жауапкершілік қарастырылғанын еске салып, азаматтарды қоғамдық әдеп нормаларын сақтауға шақырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
