Сенат депутаттары "Қазақстан Республикасы мен Түрікменстан арасындағы Қазақстан-Түркіменстан мемлекеттік шекарасын делимитациялау және Каспий теңізіндегі балық аулау аймақтарының іргелес учаскелерін делимитациялау туралы шартты ратификациялау туралы" Заңды қабылдады, деп хабарлайды inbusiness.kz.
"Қазақстан Республикасы мен Түркіменстан арасындағы Қазақстан-Түрікменстан мемлекеттік шекарасын делимитациялау және Каспий теңізіндегі балық аулау аймақтарының іргелес учаскелерін делимитациялау туралы шартты ратификациялаудың қаралып жатқаны маңызды, өйткені ол Қазақстан Республикасы мен Түркіменстан арасындағы жер қойнауы мен су биологиялық ресурстарын пайдалану үшін қолайлы жағдайлар жасауға ықпал етеді", – деді депутат Нұржан Нұрсипатов палатаның жалпы отырысында.
Оның айтуынша, демаркациялық сызықтар медиандық сызық принципі бойынша салынған – қазіргі халықаралық теңіз құқығында қарама-қарсы немесе іргелес жағалаулары бар мемлекеттер арасындағы теңіз кеңістіктерін шектеу үшін қолданылатын жалпыға бірдей танылған әдіс.
"Каспий теңізінің экономикалық, әлеуметтік және мәдени маңызын ескере отырып, шартты ратификациялау нәтижесі екі елдің мемлекеттік шекарасындағы тұрақтылықты одан әрі қамтамасыз ету, шекара мәселелерін өзара құрмет, сенім, теңдік, достық және ынтымақтастық тұрғысынан маңызды", – деп қосты спикер.
