ҚР Мәдениет және спорт министрлігі шетелде қалып қойған қазақстандық туристер 19 қаңтарға дейін елге оралатынын жеткізді.
"17 қаңтардағы рейстердің кешігуіне байланысты 275 турист, оның ішінде Тайландтан – 192, Шри-Ланкадан – 25, Мальдивтен – 34 және Гоадан – 24 турист елге оралады, деп күтілуде. Осы жылдың 19 қаңтарына дейін барлық ұйымдастырылған туристер Қазақстанға оралатынын хабарлаймыз", – деп жазылған ведомство таратқан хабарламада.
Хабарламада айтылғандай, шетелдегі барлық туристерге рейстердің ауысатыны туралы ескертілген.
"Туроператорлар өздерінің есебінен, Қазақстанның елшіліктері арқасында туристтерді шетелдік қонақүйлерде орналастыруды қамтамасыз етті. Қазақстанға келетін туристерді тасымалдау және орналастыру бойынша жұмыстар ұйымдастырылды", – делінген хабарламада.
