Жәрмеңкеде өңірде 1366 бос жұмыс орны бары айтылды. Оның ішінде денсаулық сақтау саласына – 181, білім беру саласына – 343, ал ауыл шаруашылығына 77 маман керек, деп хабарлайды altaynews.kz.
"Аймағымызға оңтүстік өңірлерден келіп қоныстанғандар жұмыспен қамтамасыз етіліп жатыр. Кейбірі жер алып, жеке шаруашылықпен де айналысуда. Сіздер де келіңіздер, жағдай жасалады", – деді облыстық жұмыспен қамту басқармасының басшысы Ерболат Ошақбаев.
Аталмыш басқарманың мәліметіне сүйенсек, қалаға келуді қалайтын отбасының әр мүшесіне – 50 500 теңге, ал ауылға келуді қалайтын отбасының әр мүшесіне 37 875 теңгеден қаражат беріледі екен. Сондай-ақ оларға субсидиямен үй алуға да болады.
"Келемін деушілерге отын да, мал да беріледі", – деді басқарманың баспасөз қызметкері.
Айта кетейік, жәрмеңкеге Түркістан облысының екі мыңға жуық тұрғыны қатысты.
