Шығыс Қазақстан облысында №18 мекеменің қызметкерлері күзетілетін аумаққа белгісіз зат салынған түйіншекті лақтырмақ болған ер адамды ұстады, деп жазады inbusiness.kz сайты.
Polisia.kz хабарлауынша, тексеру барысында ер адамның жанынан скотчпен оралған түйіншек табылды. Оның ішінде өзіне тән иісі бар жасыл түсті өсімдік тектес зат болған.
Тәркіленген заттың құрамын анықтау үшін сот сараптамасы тағайындалды. Оқиға қызметкердің кеудесіне тағылған видео камераға түсіп қалған.
Қазір мамандар оқиғаның мән-жайын анықтап жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
