Сәрсенбі күні ұсынылған өңірлердегі эпидемиологиялық жағдайды бағалау матрицасына сәйкес, Нұр-Сұлтан, Алматы, сондай-ақ Ақмола, Батыс Қазақстан, Қарағанды, Қостанай, Павлодар және Солтүстік Қазақстан облыстары "қызыл" аймақта қалды. Бұл өңірлерде қатаң шектеу шараларын енгізу көзделген.
Қолданыстағы карантиндік шараларды сақтауды және олардың сақталуына бақылауды күшейтуді көздейтін "сары" аймақта орналасқан Алматы, Ақтөбе және Атырау облыстарына "қызыл" аймақтан Шығыс Қазақстан облысы қосылды.
Жағдай тұрақты деп бағаланып, шектеу шараларын жеңілдету мүмкіндігі бар "жасыл" аймақта Шымкент қаласы, сондай-ақ Жамбыл, Қызылорда, Маңғыстау және Түркістан облыстары бар.
Қазақстан "қызыл" аймақта қалады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
